воскресенье, 8 октября 2017 г.

პროექტი


  1. პროექტის სახელწოდება: განათლების მნიშვნელობა.განათლების საბჭოური და თანამედროვე სისტემა.
  2. პროექტის მთავარი იდეა (თემა) 1-2 წინადადებით: განათლების როლის განსაზღვრა საზოგადოების განვითარების საქმეში სხვადასხვა ისტორიულ პერიოდში და მათი შედარება-გაანალიზება.
  3. პროექტის აქტუალობა: დღეს სახელმწიფოსათვის მთავარი პრიოპრიტეტია განათლებული ,დემოკრატიული ღირებულებების მატარებელი ადამიანის ფორმირება.
  4. პროექტის მიზნები: მოსწავლეებმა შეძლონ ისტორიული განვითარების პროცესში მემკვიდრეობისა და ცვალებადობის გააზრება და თანამედროვეობისათვის  ამ პროცესის მნიშვნელობის გააზრება
  5. მონაწილეთა ასაკი: მე-8 კლასი
  6. ვადები/ხანგრძლივობა: 15 დღე
  7. მოსალოდნელი შედეგები/პროდუქტები, რაც შეიძლება შეიქმნას.  პრეზენტაციის გამართვა სკოლაში. პრეზენტაციის გამოქვეყნება ბლოგ გვერდზე
  8. პროექტისათვის საჭირო ძირითადი რესურსები: დამატებითი ლიტერატურის მოძიება, ინტერნეტ- მასალები,ინტერვიუები.
  9. პროექტის მსვლელობა (ძირითადი აქტივობები):ა) 2 დიდი სამუშაო ჯგუფის შექმნა 1 ჯგუფი-განათლების სისტემის სტრუქტურა საქართველოში საბჭოთა რეჟიმის დროს.  2ჯგუფი-განათლების თანამედროვე სისტემა. დავალებების განაწილება ჯგუფებში.  ბ)ინტერვიუები. გ) სქემების შექმნა(განათლების საბჭოური სისტემა და განათლების თანამედროვე სისტემა) დ) ვენის დიაგრამა 
  10. საგნებთან/საგნობრივ ჯგუფებთან /ეროვნულ სასწავლო გეგმასთან კავშირი: სამოქალაქო განათლება. ისტ-ი
  11. პროექტის ხელმძღვანელი (მასწავლებელი): რუსუდან შონია
  12. პროექტის ხელმძღვანელის ელ. ფოსტაrrusudan62@gmail.com
  13. პროექტის ვებ-გვერდი//ბლოგი: rusudansonia.blogspot.com

воскресенье, 24 сентября 2017 г.

გაკვეთილის გეგმა ისტორიაში

თემა: პირველი ქართული სახელმწიფო, მეფე ფარნავაზი
მიზანი: გაიგებენ როგორ შეიქმნა პირველი ქართული ერთიანი სახელმწიფო და რა როლი შეასრულა ამ საქმეში მეფე ფარნავაზმა და ეგრისის მმართველმა ქუჯიმ.
მისაღწევი შედეგი და ინდიკატორები:
საზ. მეც.V-VI.7. მოსწავლეს შეუძლია  დაახასიათოს  საქართველოს ისტორიის გამორჩეული პიროვნებები, რომლებიც ქვეყნის მმართველობაში მონაწილეობდნენ.


  • ჩამოთვლის სხვადასხვა დროს მოღვაწე ისტორიულ პირებს. განსაზღვრავს მათ როლს მმართველობით სტრუქტურებში;
  • ჩამოთვლის და ახასიათებს მმართველობაში მონაწილე ისტორიულ პირთა მიერ გატარებულ სახელმწიფო ღონისძიებებს. გამოთქვამს საკუთარ მოსაზრებას მათ შედეგებზე;
გაკვეთილის მსვლელობა:
აქტივობა: 1     აზრობრივ რუკაზე მუშაობა (6 წთ.)
ამ აქტივობის დროს გამოვიყენებ კითხვა- პასუხის მეთოდს.
კითხვა-ხომ არ გაიხსენებდით თქვენთვის ცნობილ მეფეებს?
სავარაუდო პასუხი : დ.აღმაშენებელი, თამარი, ვახტანგ გორგასალი ,ერეკლე მეფე...
კითხვა- თქვენი აზრით რა როლს თამაშობს მეფე ქვეყანაში?
სავარაუდო პასუხები: ზრუნავენ ქვეყნის განვითარებისთვის, აწარმოებენ ომებს, აშენებენ ეკლესია- მონასტრებს,...

აქტივობა: 2     სახელმძვანელოს ტექსტზე  მუშაობა (10 წთ)
მოსწავლეებს დაურიგდებათ ბარათები კითხვებით, რომელიც დაეხმარება მათ T დიაგრამის საშუალებით გაარკვიონ, თუ რა საშინაო და საგარეო ფაქტორები არსებობდა ქვეყანაში ფარნავაზის გამეფებამდე.

აქტივობა:  3   წყარო ა) -ზე  მუშაობა  (  4 წთ)
შესრულებულ სამუშაოზე მსჯელობა კითხვა- პასუხის მეთოდით. (6 წთ)
აქ     მოსწავლეები  გამოყოფენ ქუჯის დამსახურებას სახელმწიფოს გამთლიანების  საქმეში.

აქტივობა: 4    რუკაზე მუშაობა (5 წთ.)
მოსწავლეებს პროექტორის საშუალებით ეკრანზე ვაჩვენებ  ფარნავაზის დროინდელ და თანამედროვე საქართველოს რუკას შესადარებლად და იმსჯელებენ მის გარშემო.

აქტივობა: 5      შეჯამება (10წთ)
ამ აქტივობისათვის გამოვიყენებ   აზრობრივ რუკას და კითხვა-პასუხის მეთოდს.
მოსწავლეები აზრობრივი რუკის საშუალებით ჩამოთვლიან იმ ცვლილებებს, რაც ფარნავაზ მეფის დროს განხორციელდა ქვეყანაში და დააკვირდებიან გაამართლა თუ არა მათმა მოლოდინებებმა ფარნავაზ მეფესთან მიმართებაში
აქტივობა: 6 ვიდეო- მასალის   მონაკვეთის ჩვენება   (1 წთ)   (7.00-8.00 )

საშინაო დავალება :  (3  წთ)
დაწერონ მოკლე თხზულება  ,, რა როლი ითამაშა ქართული ენის სახელმწიფო  სტატუსმა ქვეყნის გამთლიანების საქმეში "

შეფასება: განმსაზღვრელი/საკლასო მუშაობის შეფასების სქემის მიხედვით

რესურსები: სახელმძღვანელო - ჩვენი  საქართველო, პროექტორი, რუკა, ბარათები.


გამარჯობა მსოფლიო

მოგესალმებათ რუსიკო. მინდა მშვიდობა იყოს .